بيان هام من مجموعة "Anonops" نظرا لتشابك وتعقد الامور

اخلاء سبيل من مؤسس مجموعة Anonops

لن نقوم بالحجر علي اسم انونيموس فهو ملك للجميع ولن نمنع تصرف اي شخص سواء صالح او طالح وبما اني احد مؤسسي الانونيموس علي مستوي العالم وليس العربي فقط

تحملوني في السطور القادمة

منذ سنوات وتحديداً في ٢٠٠٨

كنت بخترق مواقع بشكل مبالغ فيه

مرة اخترق موقع مسيء للاسلام

مره موقع يدعي الحماية ومرة موقع هاكرز جامحين ومرات كثيرة جداً للشهرة

اه للشهرة فعلاً انا مش هنكر

المهم وصلني ايميل من واحد امريكي

مسلم او مسيحي مش مهم لكن المهم انه بعت رسالة تفصيلية وشدتني اقراها

وطلب التواصل "والحقيقة مفيش كان عندي في الوقت ده حساب فيسبوك ولا تويتر "

انا جديد في مواقع التواصل علي فكرة

كنت علي ايميلي 

بشوف الانبوكس واتواصل علي المسنجر

الشخص ده مضي في نهايه الرسالة

بكلمة x وهو بالفعل القائد اكس مؤسس الانونيموس علي مستوي العالم اجمع

هو مش هكرز لكنه مؤمن جداً جداً بحرية الشعوب وكان دايما بيحارب الظلم في امريكا وزوجة من طرف اخر في بريطانيا وبصراحة شفت لهم اكثر من فيديو عن وقفات لهم مرتديين اقنعة جاي فوكس " من فيلم فانديتا"

المهم علشان مطولش عليكم

الراجل ده طلب مني ان بدل وقفاتهم الاحتجاجية علي الارض نحولها اونلاين علي الانترنت

مفهمتش ازاي انا ابدي اعتراض علي النت !

فهمني قالي نشوف موقع معين يكون اتجاهة خاطيء ونحاول نبعت له شي تحذيري عل الموقع

اللي فهمته في الوقت ده ان الشخص ده عايزني اخترق مواقع بس لهدف

سالته انت عرفتني منين ؟ قال بتابع اختراقاتك من علي الانترنت ومنبهر بيها

وبالفعل بعت لي موقع كنيسة السينتولجي وكان اول عملية في مجموعة انونيموس المؤسسة الام في بريطانيا

يوم ورا يوم اخترق واصحابي يخترقوا وكلها اهداف بتنزل لنا علي موقع التواصل IRC دردشة معروفة

اسسنا موقع خاص بده واطلقنا عليه

Anonops

وهو اختصار لكلمة عمليات الانونيموس

سنه ورا سنه والحمد لله وفضله اولاً

وثم فريقي المكون من رفقاء دربي

0xomar + Risk Rook + Fatal Error

وهم المؤسسين حاليا في مجموعة انونيموس اللي بديرها

بعد فتره من الزمان توجهنا للدخول في معركة مع نظام مبارك - وبعدها دخلنا معركة مع الاخوان

وبعدها مع اسرائيل وبدء فريقي يتحمس اكثر واكثر لما الموضوع شمل عدو حقيقي

لان الاخوان او مبارك الخ،، في النهاية مش عدو في ذاك الوقت والعدو الاساسي هي اسرائيلي

لكن بعد فترة من اختراق مواقع الاخوان جاء لي رسالة علي الدردشة اللي ذكرتها لكم

ما هذه العنصرية ! هدفك بقي اختراق مواقع اسرائيل فقط وده ضد هدفنا

اختراقك العشوائي لمواقع اسرائيل غير مبرر الا انه عنصرية

لم ارد علي الرسالة الا بعد اسبوع كامل وقلت "لو كان دفاعنا عن بلدنا عنصرية ليكن ومرحباً به

انا وافقت اخترق موقع الاخوان وهم من المسلمين وفرقت بينهم وبين الاسلام نفسه وانتم اتهمتوني بالعنصرية ومش عارفين تفرقوا بين اليهود والصهاينة"

قالوا في المنظمة الام العمل الفردي مش صحيح يا سايبر وياريت تفكر

وكان ردي " انشاء صفحة علي فيسبوك " وتركت المجال كامل معاهم

ليس لانهم غلط وانا صح او العكس

بس لاني مش بحب حد يوجهني وخصوصا لو انا مقتنع بالشيء ده

ويترتب عليه انا لا تربطني باي من مجموعات انونيموس علي مستوي العالم اي شي

فانا اعتمد علي الله وفريق عملي بعدها

لذا اخلي مسئوليتي عن اي شخص يتحدث باسم الانونيموس فكل اناء بما فيه ينضج

وللمرة الاخيرة صفحتي الوحيدة التي ذكرتها

اسف علي الاطالة بس فعلا كان لازم اوضح ده

ـــــــــــــــــــــــــــــــــــــــــــــــــــــــــــــــــــــــــــــــــــــ
الصفحة الرسمية للمجموعة 
WWW.ANONYMOUSEGTEAM.TK
ــــــــــــــــــــــــــــــــــــــــــــــــــــــــــــــــــــــــــــــــــــ